MULUS Centuriatus

MULUS Centuriatus

apud Flav. Vopisc. in Aureliano, c. 7. Mulum Centuriatum comiter curet. Soluta enim veteris militiae disci plinâ, coeperant singulis centuriis muli deputari ad sarcinas vehendas, uti observat Hadr. Turnebus. Cum prius mulas et mulos Praefides solum provin ciarum de publico acciperent. et mulos quidem, uti coniectat Salmas. ad impedimenta vectanda, mulas vero ad ducendam rhedam aut carrucam. Semper enim mulae rhedis ducendis adplicitae, at muli ad sagman ut plurimum habebantur. Meminit moris huius Ael. Lamprid. in Alexandro Sec. c. 42. Iudices---et argento et necessariis instruebat, ita ut Praesides provinciarum acciperent argenti pondo vicena: mulas senas, mulos binos, equos binos---reddituri depositâ administratione etc. Vide Casaubon. et Salmas. ad d. l. et plura de Mulis supra: de Mulo vero Palladis Attico, quem ob aetatem vacatione donatum, libere vagari sine capistro sine labore, consuevisse, tradit Plut. de Animal. compar. Vide infra aliquid voce Servi.